السلام عليكم ورحمة الله وبركاته
في البداية اعتذر عن الانقطااااااااع الطويل .. من فتره صراحة ما كتبت شي .. لانشغالاتي في بعض الأمور
انا الحين في مطار أبوظبي الدولي .. الحين الساعة
10: 51
المسا طبعا
باذن الله ساير جزيرة الاحلام .. سيلان
انتظر عند البوابة رقم 7
والطيارة تقريبا بتكون الساعة
11.55
باذن الله … وبيكون على الطيران القطري
فمعناته .. بننزل ترانزيت ..الدوحة .. لكن الحمدلله مب وايد
تقريبا 40 دقيقة مثل ما يقولون
وعقبها ببدل الطيارة .. وبادن الله إلى .. سيلان .. بننزل في كولومبو
باذن الله أحاول إني أكتب كل يوم تقرير عن الرحلات اليوميه اللي بنسيرها هناك
فتابعونا .. أول .. بأول لين ما أرجع البلاد .. باذن الله
للأسف .. اتأخرت الطيارة
الله يكون في العون .. يالله لعله خير
فهذا معناته .. بتأخر في الوصول هناك
الحمدلله على كل حال
الله يوفقكم ويحفظكم إلهي وأتمنالكم أحلام سعيدة في رحلتكم لجزيرة الأحلام
وبالتوفيق وبحفظ الله وعنايته
مريم اليماحي
الله ايسر أمركم دائما وأبدا
واهتمو بصحتكم
وحفظكم ربي
ودربكم خضر بإذن واحد أحد
تحياتي
أنا الحين في مطار الدوحة
وللأسف هذا اللي كنت خايف منه
الطيارة طارت .. قبل ما اوصل قطر
فالحين .. بنتريا في المطار لين الساعة
8.30
تقريبا
بس ان شاء الله ما يأخرونها أزيد عن جيه
الله ييسر … ادعولنا يالرّبع
هيه يا بوخليفة تسير سيلان و لا تخبر نسيبك عن سفرتك
عالعموم الله يوفقك
أنا مسافر لألمانيا أيضاً مساء الخميس 15/7/2010م بحول الله
دعواتكم
@@
الله يعييينكم
ترى ها المب حلو في الترانليت مرات يوهقونك
عالعموم توصلون بالسلامة ياربي
هلا والله بالذهب
شو مودنك سيلان!!!
شكلك رايح ادور بشكارتكم الشارده
هذا نفس الكلام اللي انقال لي لما رحت سيلان السنه الماضيه
بس تعال يالبخيل ليش هالدوخه كلها ليش ما طلعت على الطيران السيريلانكي !!!
يا ريال البزنس على 2500 للشخص يعني يا بلاش
على العموم البلاد وايد حلوه وما اوصيك لا تقعد في العاصمه وايد اطلع على كلوتارا وكاندي ونوراليا هالمناطق حلوه
والله يعينك على شوارعهم وسواقتهم
اذا بغيت اي شي انا حاضر
بانتظار مغامراتكم في السيلان يا بو فطامي وعواشي
وطبعات إبداعات عدستكم
والله يحفظكم
بانتظار مغامراتكم في السيلان يا بو فطامي وعواشي
وطبعا إبداعات عدستكم
والله يحفظكم
أحلى شي في السفر هالمغامرات لأنها هي اللي تبقى في الذاكرة و بعد الواحد يتعلم منها
تروحون و ترجعون بالسلامة
أم حمدة
الاخت مريم
بارك الله فيكم .. ويزاكم الله خير
والله يوفق الجميع
بومحمد .. يا شاعرنا يالحكيم
الله يوفقكم في سفرتكم .. والله الله بالنسيب .. تراه مب ضاري عالسفرات اللي انته تخططلها
والله يوفقكم .. وتسيرون وتردون بالسلامة
لمسة فن
يزاج الله خير .. يالله شو نسوي .. تجربة وأحاول إني ما أكررها مره ثانيه .. ويا شالفة الرانزيت
وانتو وراكم سفره طويله شوي .. الله يعينكم .. وتسيرون وتردون بالسلامة
وسلمي عليهم هناك
مايد
الله يهديك يا بوسلطان
لاعندنا سيلانيه ولا هم يحزنون
ولا تعال يمكن انته تنوه لشي ثاني ؟؟ شكلك تباني اخطبلك سيلانيه ؟؟
حرمتك بتغسل شراعك يا ريال .. خخخخ
والتذكره .. صراحة مب أنا اللي حاجز .. شو اسوي .. مب بإيدي .. يالله الحمدلله
وبصراحة الأجواء وااااااايد حلوه .. ومطر .. والخضره .. يعني شوارعم متعبة درب الربع ساعة .. يستوي ساعة
الحمدلله .. تجربة وخضناها ..وما ننساها
أم الحلويين
بحاول أصور .. لكن للأسف نسييت أخذ عدسة الماكرو من عند أخويه يوسف
تعرفون وايد أحب أصور (ماكرو) .. لكن يالله
لكن ترقبو .. لقطات الرافتنج .. بالفيديو
أم حمدة
على فكره اليي يطلع رحلة .. وما يستويله مواقف اتعبه شوي .. بتمر الرحلة وبينساها
والله يسلمج يا أم محمد
وسلمي عليهم هناك