السلام عليكم ورحمة الله وبركاته
اليوم خلّصنا مسابقة سويت كرات الأوريو
طبعاِ هالمسابقة طرحتها في الدوام .. وكانت خاصة للموظفات
والحمدلله كان فيه تفاعل .. وفيه بعض الأفكار الجميلة
وأشكر كل من شارك ويانا اليوم .. ويزاهم الله ألف خير
وهذي بعض الصور .. من المسابقة
هذي مشاركة أم عبدالله
وهذي بعد .. تراه هيه ما شاء الله عليها .. مسويه صحنين .. الله يبارك فيها .. لكن تقول أول مره تدخل المطبخ؟؟
هذي بصراحة .. ما اذكر مال منوه .. لأنه وايد منهن متشابهات
وهني في شي من التفنن .. ماشاء الله على اللي مسونها
وهني مشاركة الاخت فاطمة الشكري .. مزينتنها ببعض الكيك والبسكوت
بعض التزيينات .. ما اذكر منو مسونها
مشاركة أم سلطان
وهذي بعد .. من قريب
وهذا بومحمد .. ياي يطّعم .. ويشارك في الفعالية
جانب من المشاركات
وهذي صراحة منظرها .. رهييييب .. خاصة الفراولة كاسرة اللون
انا بقتح محل حلويات … منو بيشارك ؟؟!!؟
نفس الطبق من قريب .. يم يم يم
يا سلاااااام .. شوفو الإبداع
من زاوية ثانية
…..
طبعا عدد المشاركات .. كان 9
وبصراحة كان ودّي الكل يشارك .. لكن كبداية الحمدلله .. مسابقة ناجحة
وهذي النتايج
عاد اسمحولي مب واضحة عدل
^^^^^^^
وعقب ما خلصنا .. وزعنا الجوائز على الثلاث الأوائل
طبعا كان .. الأول والثاني والثاني مكرر
وباقي المشاركات .. كانت لهم ..هدية مشاركة بسيطة .. وبصراحة .. الكل يستاهل
ويزاهم الله خير
بعدين .. الكل جرب الحلويات .. واللي خذله المكتب
والباقي .. بدينا نوزعه على الموظفين .. والمراجعين.. حد من الفراشين خذ يوزع
وأنا خذت صحنين .. وبديت في الطابق اللي فوق .. وبعدين نزلت تحت .. وكل ما اشوف واحد .. امد له الكلينكس .. وصحن السويت
عاد اللي يضحّك في السالفة .. انه كل ما امر عند حد .. بعطيه
يقول: مبروك .. مبروك .. شو المناسبة .. وحد يتحسب ياني مولود يديد
وواحد .. قال .. يا سلام .. شوفو شوفو كيف الادارة .. حلويات .. ومادري شوه .. مستانس
عاد ما لحقت القط صورة
فلحقت على هذي
الفراش محمود .. وهو يوزع
هذي مسابقتنا .. وحبذا لو كل واحد فينا .. حاول ينشّط الجو في مكان عمله .. عشان يكسر الروتين اليومي القاتل
ويخلق نوع من الاجتماعية بين الموظفين .. والمراجيعن .. وأي شخص موجود في مكان عمله
بارك الله فيكم .. وفي كل من شارك أو شاف .. أو تذوّق .. أو شارك في التحكيم ..أو كان يوزع
ونشوفكم باذن الله في مسابقات يديدة
فكرة حلوة انك تسوي مسابقة في الشغل ..
و الاحلى التفاعل الطيب
ما شاء الله .. 9 مشاركات .. الله يعين اللي عنده السكر ^^
جان خشيلتنا كم حبه على صوب عشان نجرب نحن بعد .. بصراحة اشكالهن وايد تشجع ^^
مبروك للفايزين .. ^^
السلام عليكم
سا سلام مسابقة ولا أروع يبالنا نسوي مسابقة عائلية ولا شو رايك بو فاطمة ..=)
الغواص
عاد وزعنا الباجايات .. على الموظفين والمراجيعين .. وخيرها في غيرها
=====
كانون
يالله .. شدوا الهمة .. ونبغي أفكار يديدة
والله الله في التصوير
وأشكر لكم مروركم .. وبارك الله فيكم
فكرة في غاية الروعه .. و الي احلها منها توجاوب الموظفات و مشاركتهن فيها ..
أنا عبيني صحن السويت الي فيه فراوله .. شكله لذيييذ
جان شاركت عن بعد وفزت بالمركز الأول مع مرتبة الشرف