أول شي ،، اسمحولي اذا حصّلتوا تنقيعات .. لانه كمبيوتري ما فيه حروف عربية
++++++++++++
في هاليوم كان برنامجنا ( القرية التراثية ) مالهم
المكان مب بعيد .. واستغلّينا الطريج في ( سلسلة التابعين / لطارق السويدان )لييييين ما وصلنا هناك
اخترنا مكان فيه ظلّة .. لانه كام يوم مشمس وبعض الغيوم الخفيفة
حيّاكم الله .. مع أخبارنا في سويسرا
أول أمس .. نشّينا الصّبح .. وطرشوا اليهال الحديقة مال الالعاب ( اللي تكلمنا عنها من قبل ) تقريبا سيارة وحدة اللي تحركت .. والباقين يلسوا في البيت ..وقررنا انه الساعة وحدة الا ربع بيرجعون
بنصلي الظهر + العصر .. وبنتحرك
انتظرناهم .. لين رجعوا .. صلينا الظهر والعصر .. وتحركنا ( للشّلال ) يقولون هذا أكبر شلال في سويسرا
مرينا في طريقنا على كم قرية لين وصلنا هناك .. وقفنا في الباركنات .. ومشينا لمكان الشلال
وهذي بعض الصور
السلام عليكم ورحمة الله وبركاته
حياكم الله ومرحبا
أنا الحين في مول من المولات في مدينة بيرن
مشيت شوي في المول .. ويلست اكتب التقرير .. ويايه بنتي ( فطّامي ) ميلّسه تعضض الحزام مال العربانة
أول أمس سرنا منطقة جريبة من السكن .. وركبنا قطار يمشي فوق وتحت بس .. يعني يودّي فوق الجبال .. وينزّلك منها
ركبنا فوق اليبل ( الجبل ) وتمشينا فوق .. كان الجو مشمس .. يلسنا نطّالع المناظر .. ونصوّر هالصّور .. في القطار يوم ركبنا استوت زحمة .. فدخل علينا واحد ويا حرمته .. فكانوا بيوقفون جدّامنا ..فقلت مب حلوه جيه .. والظاهر انهم يايين شهر العسل .. فقلت اقوم انا وواحد من اللي ويانا ونخليهم ييلسون .. بيكون افضل
وهذا اللي استوى ..
ياهلا مرحبا .. مرحبا بالجميع
عندي وبل سقى .. عندي نبت الربيع
اليوم .. سرنا من المدينة اللي زخنا فيها الشرطي ( زيورخ ) عشان نسيبي بيسافر بوظبي
فتحركنا على بركة الله .. لزيورخ
مرينا على مناطق وايد .. وجميلة كالعادة
وكنا مشغلين سلسلة روائع من التابعين لطارق سويدان
وصلنا زيورخ .. وأول مكان سرناه ( الفندق ) لأنه شي أغراض خليناهن هناك
فاستلمتا الاغراض .. واتحركنا .. سيارتين سارن السوق .. وسيارة للمطار
السلام عليكم .. ورحمة الله وبركاته
هلا هلا .. باللي يتابعونا في رحلتنا.. لسويسرا
اول شي اعتذر ..اني ما حطيت شي من يومين .. لاني تعبت شوي .. لكن الحين لله الحمد.. افضل من قبل
اليوم .. اصبحنا الصبح .. وصلينا والحمدلله … عقب يلست اصور عالصبح قبل ما نتحرك
وهاي بعض الصور:
خيل .. في البيت اللي في نفس شارعنا
الصبح ،، في اليوم الثاني .. للاسف نشينا يمكن 7 الا … من التعب ما قدرنا نقوم الفجر .. فقمت وصليت الفجر … وعقب فتحت الستارة .. والا اشوف منظر النهر .. والاماكن اللي حول النهر .. طبعا يوم وصلنا في الليل ماكنا نشوف النهر.. ظلام
لكن كنا نشوف انعكاس الليتات على النهر .. ففي النهار وضح كل شي …
هذي صورة للنهر اللي عند الفندق
بعد رجوعنا من ماليزيا هالسنة .. بحمدالله … فرزت الصور اللي صورتها هناك في المناطق اللي زرناها
وهذي بعض الصور
طبعا الصور منوعة .. بين النباتات والحيوانات والماكرو ……الخ
مشاهدة ممتعة … أخليكم مع الصور
السلام عليكم .. ورحمة الله وبركاته
الحمدلله .. رجعنا من ماليزيا << واستقبلونا الاهل والأحباب
وهذا تقرير الرحلة … اللي كتبه ( أ. سالم الغواص ) صاحب مدونة الغواص
—————————
بسم الله الرحمن الرحيم .. كيف الحاال شبااب .. شو الاخبار ؟؟ عساكم مرتاحين ,,
ها تقرير رحلتنا لماليزيا 2009 .. مع مهارات الحياة للخدمات التربوية
